Euver de bandleeje
Ron Dings is ózze zanger-gitaris-keyboardspeuler. Vanaaf november 2011 is Ron de band kómme versterke. Ron haet al waat ervaring opgedaon achter de bar van Kefee Sintermerte in Tegele én veur de bar as singer/songwriter. Op Den Hulster haet Ron ouk podiumervaring opgedaon, getuùge waat filmkes die op YouTube róndzwerve.
’t Nummer “Diene lach” , de single dae ind november 2011 oét wuuërd gebrach, is door Ron geschreve. Eine gooje binnekómmer dus.
Ron kump van Op Steyl en is 21 jaor. ron@2vangelder.nl
Tommy Schouren is d’n benjamin van de band, 20 jaor, kump oét Venlo en verzörg drums, percussie en al ’t andere greij waat herrie mak. As 3 jäörige begós zien podiumervaring beej NUATH wao hae ein gans optraeje op de dieke tróm haet gespeuld. Via de schoeëlband van Den Hulster is hae op de Herman Brood Academie terech gekómme. As drummer is hae vaerder aktief gewaes beej o.a. Kings Eyes, Projec 33 en Kristel en speult hae momenteel ouk beej Mixx en The Southern Trio (same met Baer Traa en Giel Dekkers). tommy@2vangelder.nl
Luc Faassen speult keyboards en zingk op d’n achtergrond. Via ein workshop beej de HerfsHane veel Luc op beej Chris dae um haet gevraog veur ’t dialekt-project waat oétintellik Van Gelder is gewaore. Groeëte hobby, naeve optraeje is ’t schriéve van vastelaovesleedjes. Diverse kière haet hae (met kompaan Rens Flos) de finale van o.a. Opus Jocus weite te haole. Luc kump oét Belvend en is 22 jaor. luc@2vangelder.nl
Gitaris Mark Verhaegh (29) kump oét Tegele en haet as bandlid van beejveurbaeld Zero Attraction en Kings Eyes al behuùrlik waat podiumervaring opgedaon. Oétintellik haet hae de stap van Punk en Blues nao dilect pop/rock gemak. Die invloede zien good huùrbaar in zien spel. Eine groeëte stap? Mark veult zich prima thoès in dees band en, nog veurnamer: ziene Gibson Les Paul en Fenders ouk. mark@2vangelder.nl
Last but not least: Chris Thenu. Veteraan Chris (o.a. JC kwadraat, Blaauw, HUH?, Jocus Toekoms Höfkepel) is de gróndlegger van Van Gelder. Door de jónge bandleeje ouk waal ens “Pap” geneump. Chris waas veurnemes um ’t “Van Gelder project” ein jaor te begeleide um daonao plaats te make veur eine jónge bassist. De optraejes en de 1e CD “Enigma” zörgde d’r veur det Chris waat langer is gebleve ;). chris@2vangelder.nl
De band is op zeuk nao eine opvolger op bas. As dae gevónde is geit Chris zich as band-coach op d’n achtergrond met Van Gelder bezig te halde.
Chris is waat alder dan de euverige bandleeje en kump oét Venlo.
Fotografie: Thom Spierenburg
Videoclips: Thom Spierenburg en Lars Hocks
Geluùd en leech: Lars Hocks
Design: Marcand en Emmy Cleophas
Homepage en Webmaster: Joep Janssen
Met dank aan Daan Schouren en Lucas Peeters veur eure fantastische support.